काठमाडौं । नेपाली कांग्रेसका सभापति शेरबहादुर देउवाले देश र जनताका लागि काम गर्ने क्रममा सहादत प्राप्त गरेका सहिदहरुको सम्मान हुन नसकेको टिप्पणी गरेका छन् ।

पूर्वप्रधानमन्त्री समेत रहेका देउवाले रुपन्देहीको तिलोत्तमा नगरपालिका–१३, टिकुलीगढमा निर्माण गरिएको सहिद यादवनाथ आलोकको पूर्णकदको सालिकको आज अनावरण गर्दै यस्तो बताएका हुन् ।

उनले सहिदहरू कुनै पार्टीको नभई देश र जनताको हुने भएकाले उनीहरूको सबैले सम्मान गर्नुपर्ने बताए ।

सहिदको सपना पूरा गर्नु पनि दलहरूको कर्तव्य भएको सभापति देउवाको भनाई छ ।