बालेनसहित दलाई लामा ग्याङले हेक्का राख्नुपर्ने भन्दै सूर्य थापाले दिए यस्तो चेतावनी

अनलाइन नेपाल

बिहिवार , आश्विन २३, २०८२

बालेनसहित दलाई लामा ग्याङले हेक्का राख्नुपर्ने भन्दै सूर्य थापाले दिए यस्तो चेतावनी

काठमाडौं । नेकपा एमालेका नेता सूर्य थापाले अन्तरिम प्रधानमन्त्री सुशीला कार्की र गृहमन्त्री ओमप्रकाश अर्यालमाथि कडा प्रहार गरेका छन् ।

उनले कार्की–अर्याल नेतृत्वको अन्तरिम सरकारले आगामी निर्वाचन गराउने क्षमता र मति दुबै नभएको आरोप लगाएका छन् ।

थापाले सामाजिक सञ्जालमार्फत भनेका छन्, 'अनिर्वाचित, मनोनित र असंवैधानिक प्रधानमन्त्री सुशीला कार्की र ओमप्रकाश अर्याल जत्था चुनाव गराउने प्राणी हुँदै होइनन्। यिनका आजीवन कामहरूको फेहरिस्तले नै देखाउँछ — यीमध्ये कसैमा पनि लोकतान्त्रिक निर्वाचनप्रति आस्था छैन।'

उनले कार्की सरकारले पूर्वप्रधानमन्त्री केपी शर्मा ओलीसहित नेताहरूलाई पक्राउ गर्न दिएको आदेशलाई ‘गैरकानुनी’ भन्दै आलोचना गरे । 'चुनाव गराउने मति भए, नेताहरूलाई पक्राउ गर्न आदेश दिने थिएनन्,' थापाले लेखे, 'लोकतन्त्रमा हुल अफ ल किमार्थ स्वीकार्य छैन।'

थापाका अनुसार चारवटै सुरक्षा निकायका प्रमुखहरूले पनि अन्तरिम सरकारका गलत आदेश खारेज गरिसकेका छन् । उनले भने, 'गैरकानुनी आदेशको त न्यायालयमा पनि चुनौती, परीक्षण र खारेजीको प्रक्रिया अवलम्बन हुन्छ नै ।'

साथै, संविधान र कानुनविपरित चल्नेहरूलाई जनताले मंसिर लाग्दा नलाग्दै घिसारेर कहाँ पुर्‍याउँछन्- सुशीला, ओमप्रकाश, बालेन र सुदने (दलाई लामा ग्याङ) ले हेक्का राख्न जरूरी रहेको उनले बताए ।

थापाले संविधान र कानुन विपरीत कार्य गर्नेहरूलाई जनताले समयमै कारबाही गर्ने चेतावनीसमेत दिए । 'ऐतिहासिक सम्पदा, सरकारी कार्यालय, व्यक्तिगत सम्पत्ति र पार्टी कार्यालय जलाउने अपराधीहरूले जहाँ पुगे पनि उन्मुक्ति पाउने छैनन्,' उनले भने, 'राज्यले कानुनअनुसार कारबाही नगरे टोलटोलबाट जनकारबाही हुनेछ।'

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

बालेनसहित दलाई लामा ग्याङले हेक्का राख्नुपर्ने भन्दै सूर्य थापाले दिए यस्तो चेतावनी