म विदेशी एजेन्ट होइन, नेपाली नागरिक हुँ : सुदन गुरुङ

अनलाइन नेपाल

शुक्रवार , कार्तिक ७, २०८२

म विदेशी एजेन्ट होइन, नेपाली नागरिक हुँ : सुदन गुरुङ

काठमाडौं । हामी नेपालका संयोजक सुदन गुरुङले आफूलाई विदेशी एजेन्टका रूपमा बदनाम गर्न खोजिएको आरोप लगाएका छन्। उनले जेनजी आन्दोलनलाई कमजोर पार्ने उद्देश्यले योजनाबद्ध रूपमा भ्रम फैलाउने प्रयास भइरहेको दाबी गरेका छन् ।

जेन–जी आन्दोलनका क्रममा ज्यान गुमाएका सहिदहरूको सम्झनामा जेन–जी युनाइटेडले बिहीबार माइतीघर मण्डलामा आयोजना गरेको श्रद्धाञ्जली सभामा बोल्दै गुरुङले भने-'सुदन विदेशी एजेन्ट हो भन्दैछन्। मलाई कहिले भारतीय, कहिले भुटानी एजेन्ट बनाइएको छ।'

गुरुङले आफू शुद्ध नेपाली नागरिक भएको स्पष्ट गर्दै भने-'गोरखाका सीडीओलाई फोन गरेर सोध्दा हुन्छ — मैले पहिलो नागरिकता कहिले लिएँ, दोस्रो र तेस्रो प्रतिलिपी कहिले लिएँ। त्यसपछि थाहा हुन्छ म नेपाली हुँ कि होइन। आँखा चिम्से भयो भन्दैमा भुटानी, अलि कालो भए भन्दैमा भारतीय भन्न मिल्दैन।'

उनले आरोप लगाए कि नेताहरूले ‘फुटाऊ र राज गर’ रणनीति प्रयोग गरेर जेनजी आन्दोलनलाई विभाजित गर्न खोजिरहेका छन्। 'हामी अहिले देशका लागि लडिरहेका छौँ,' उनले जोड दिए।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

म विदेशी एजेन्ट होइन, नेपाली नागरिक हुँ : सुदन गुरुङ