Jul 23 2026 | २०८३, श्रावण ७ गते
23 Jul 2026 | बिहिवार, श्रावण ७ गते २०८३
बिहिवार, श्रावण ७ गते २०८३
Jul 23 2026 | २०८३, श्रावण ७ गते
23 Jul 2026 | बिहिवार, श्रावण ७ गते २०८३
मंगलवार , कार्तिक १८, २०८२
काठमाडौं । नेपालमा राजनीतिक दलहरूको संख्या दिनानुदिन बढ्दै जाँदा नागरिकहरू जस्तै शिक्षामन्त्री महावीर पुनले पनि व्यंग्य गरेका छन् । पछिल्लो समय निर्वाचन आयोगमा दर्ता राजनीतिक दलहरूको संख्या १ सय २५ पुगेको छ ।
नयाँ समूह र नेताहरूले आफ्नै संगठन खोलेर दर्ता गर्ने क्रम रोकिएको छैन। यसै विषयलाई लिएर मन्त्री पुनले सामाजिक सञ्जालमार्फत व्यङ्ग्यात्मक टिप्पणी गरेका हुन् ।
‘अब त २०० भन्दा बढी दल पुराऔँ, जुटेर देश समृद्ध हुन्छ कि फुटेर ?’ उनले लेखेका छन् । व्यङ्ग्यकै शैलीमा उनले थपेका छन्, ‘जति धेरै दलहरू बने, गणतन्त्र त्यति नै सफल र सुदृढ हुन्छ।’
उनले दलहरूको अत्यधिक वृद्धि राजनीतिमा अवसरवाद र स्वार्थमुखी प्रवृत्तिको द्योतक भएको संकेत पनि गरेका छन् ।
पुनले लेखेका छन्, ‘जति धेरै दल भयो, बसी–बसी गफ गर्न पाइने र सुती–सुती खान पाइने।’
निर्वाचन आयोगका अनुसार दर्ता भएका १२५ दलमध्ये सक्रिय रूपमा कार्यरत दलको संख्या सीमित भए पनि नयाँ दल दर्ता गर्ने क्रम रोकिएको छैन।
© 2026 All right reserved to onlinenepal.com
Design & Developed By
