Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बुधवार , मंसिर २४, २०८२
काठमाडौं । भन्सार विभाग र भन्सार एजेन्ट महासंघका प्रतिनिधिहरूबीच भएको वार्तामा सहमति जुटेपछि देशभरका भन्सार कार्यालयहरू तत्काल सञ्चालनमा आएका छन् ।
मंसिर २३ गते भएको छलफल सकारात्मक बनेपछि महासंघले देशभरका भन्सार कार्यालयमा जारी विरोध कार्यक्रम स्थगित गर्ने निर्णय गरेको हो ।
यो सहमतिसँगै भन्सार एजेन्टहरूले हड्ताल फिर्ता लिई काममा फर्किने भएका छन्, जसले आयात-निर्यात प्रक्रियाहरू सहज हुने अपेक्षा गरिएको छ।
बुधवार भएको वार्तामा भन्सार ऐनको दफा ७१ ‘झ’ मा घोषणाकर्ताले कागजात फरक रूपमा संलग्न गरेमा लाग्ने भन्सार महसुलको दश प्रतिशत जरिवानासम्बन्धी कडा व्यवस्थालाई नियमावलीमार्फत व्याख्या गरेर सहजीकरण गर्न विभाग सहमत भएको छ।
तत्कालको लागि भने यो जरिवानालाई दफा २० को उपदफा १० र ११ अनुसार दण्ड जरिवाना छुट दिने सहमति पनि बनेको छ। यसबाहेक, भन्सार एजेन्टको इजाजतपत्र अनलाइनबाटै नवीकरण गर्ने र इन्ट्री तथा एक्जिट नोटहरू एजेन्ट स्वयंले जारी गर्ने व्यवस्था मिलाउने जस्ता अन्य महत्त्वपूर्ण विषयहरूमा पनि सहमति जुटेको छ।
माघ २३ देखि सुरु भएको पेन डाउनका कारण भन्सार प्रक्रियामा अवरोध भएको थियो ।
छलफल सफल भएपछि भन्सार कार्यालयहरूमा नियमित कार्य सुचारु भएको महासंघले जनाएको छ ।
© 2026 All right reserved to onlinenepal.com
Design & Developed By
