Jun 06 2026 | २०८३, जेठ २३ गते
06 Jun 2026 | शनिवार, जेठ २३ गते २०८३
शनिवार, जेठ २३ गते २०८३
Jun 06 2026 | २०८३, जेठ २३ गते
06 Jun 2026 | शनिवार, जेठ २३ गते २०८३
शुक्रवार , पौष १८, २०८२
काठमाडौं । गुण्डा नाइके मिलन गुरुङ उर्फ चक्रे मिलन गोरखा क्षेत्र नं–२ मा नेकपा एमालेबाट उम्मेदवार सिफारिस भएका छन्। फागुन २१ गते हुन लागेको प्रतिनिधिसभाको निर्वाचनका लागि उनी सिफारिस भएका हुन् ।
निर्वाचन क्षेत्र समन्वय कमिटि क्षेत्र नम्बर २ का अध्यक्ष देवीबहादुर बस्नेतका अनुसार उक्त क्षेत्रबाट दिनेशचन्द्र देवकोटा, मिलन गुरुङ, कोपिला कुमालको नाम सिफारिस भएको छ ।
उम्मेदवार सिफारिस भएपछि उनले आफ्नो इच्छाभन्दा पनि जनसमुदाय र जेनजी पुस्ताको निरन्तर माग र दबाबका कारण भएको दावी गरेका छन् ।
गुण्डानाइके रुपमा परिचित उनी वि.सं. २०५० सालदेखि नेकपा एमालेको राजनीतिमा सक्रिय छन् ।
पाखुरामा सूर्यको ट्याटु हानेका चक्रे यसअघिको निर्वाचनमा एमालेबाट गोरखाको प्रदेशमा चुनावमा समेत सिफारिस भएका थिए । यद्यपी पछि उनले टिकट पाएनन् ।
अहिले फेरि प्रतिनिधिसभामा सिफारिस भएका छन् । टिकट पाउँछन् वा पाउँदैनन् त्यो भने समयले नै बताउने छ । आफूमाथि लागेको गुण्डाको आरोप बारे उनले खण्डन गर्दै आएका छन् ।
उनी भन्छन्–‘लामो समयदेखि सामाजिक सेवामा सक्रिय रहँदै आएको छु । यसैक्रममा कहिलेकाहीँ आफूलाई ‘गुण्डा’ जस्ता आरोप लगाएर दुःख दिने प्रयास भएको छ । तर एक साधारण नागरिकका रूपमा समाजसेवामै समर्पित रहेको हु । म समाजको सेवा गर्छु भन्न पनि नपाइने अवस्था बनाइयो ।’
समाजका विभिन्न क्षेत्रमा निरन्तर योगदान दिँदै आएको कारण गोरखाली जनताले आफूलाई जिताएर संसदमा पठाउनेमा आफू ढुक्क रहेको उनको भनाइ छ ।
© 2026 All right reserved to onlinenepal.com
Design & Developed By
