काठमाडौं । नेकपा एमालेले आगामी प्रतिनिधिसभा सदस्य निर्वाचनका लागि गोरखा–२ मा मिलन गुरुङ उर्फ चक्रे मिलनलाई उम्मेदवार बनाउने निर्णय गरेको छ ।
शनिबार बसेको पार्टीको सचिवालय बैठकले अधिकांश निर्वाचन क्षेत्रमा उम्मेदवार टुंग्याउने क्रममा गोरखा–२ मा गुण्डा नाइके गुरुङलाई अघि सारेको हो ।
सचिवालय बैठकले केही निर्वाचन क्षेत्रमा उम्मेदवार चयनको प्रक्रिया बाँकी राखे पनि गोरखा जिल्लाका दुवै निर्वाचन क्षेत्रमा उम्मेदवार निश्चित गरेको छ।
गोरखा–१ मा भने एमालेले आरसी लामिछानेलाई उम्मेदवार बनाउने निर्णय गरेको छ।