वीरगञ्जमा कर्फ्यु आदेश जारी

अनलाइन नेपाल

सोमवार , पौष २१, २०८२

काठमाडौं । जिल्ला प्रशासन कार्यालय पर्साले वीरगञ्ज क्षेत्रमा कर्फ्यु आदेश जारी गरेको छ । सोमबार साँझ ६ बजेदेखि मंगलबार बिहान ८ बजेसम्मका लागि कर्फ्यु आदेश जारी गरेको हो ।

पर्साका प्रमुख जिल्ला अधिकारी भोला दाहालले सूचना जारी गर्दै वीरगञ्ज महानगरपालिका क्षेत्रभित्र कर्फ्यु आदेश जारी गरेको जानकारी दिए ।

स्थानीय प्रशासन ऐन, २०२८ को दफा ६९क० बमोजिम पर्साको वीरगञ्ज महानगरपालिका क्षेत्रभित्रका विभिन्न ठाउँमा कर्फ्यु आदेश जारी गरेको हो ।

कर्फ्यु आदेश जारी भएको क्षेत्रमा आवतजावत गर्न, कुनै पनि प्रकारको भेला, जुलुस, प्रदर्शन, सभा, बैठक, घेराउ गर्न नपाउने जनाएको छ ।

पूर्वमा बाइपास रोड, पश्चिममा सिर्सिया पुल, उत्तरमा पावर हाउस चौक, दक्षिणमा शंकराचार्य गेट क्षेत्रमा कर्फ्यु जारी गरिएको हो । वीरगञ्जको स्थिति तनावपूर्ण बनेपछि कर्फ्यु आदेश जारी गरिएको हो ।

धनुषाको कमलमा–६सखुवा मरानस्थित मुस्लिम टोलमा रहेको मस्जिदमा गत शनिबार तोडफोड र मुस्लिम धर्मावलम्बीको ग्रन्थ कुरान जलाइएको घटना सामाजिक सञ्जालमार्फत सार्वजनिक भएको थियो। त्यही विषयलाई वीरगन्जमा पनि आइतबारदेखि दुई फरक समुदायले प्रदर्शन गर्दै आएका छन्।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

वीरगञ्जमा कर्फ्यु आदेश जारी