वीरगन्जमा कर्फ्यु हट्यो, निषेधाज्ञा जारी

अनलाइन नेपाल

सोमवार , फाल्गुण ११, २०८२

वीरगन्जमा कर्फ्यु हट्यो, निषेधाज्ञा जारी

काठमाडौं । जिल्ला प्रशासन कार्यालय पर्साले वीरगन्जका विभिन्न क्षेत्रमा सोमबार बिहानदेखि लागू गरिएको कर्फ्यु हटाएको छ ।

प्रशासनले सोमबार बिहान ९:४५ बजेदेखि आवतजावत, भेला, जुलुस, प्रदर्शन, सभा, बैठक तथा घेराउमा पूर्ण प्रतिबन्ध लगाउँदै कर्फ्यु जारी गरेको थियो ।

जिल्ला प्रशासन कार्यालय पर्साका प्रमुख जिल्ला अधिकारी भोला दाहालका अनुसार परिस्थितिमा क्रमशः सुधार आएपछि कर्फ्यु हटाइएको हो ।

'स्थिति नियन्त्रणमा आउँदै गएको छ, त्यसैले कर्फ्यु हटाइएको छ,' उनले बताए।

तर, अवस्था पूर्ण रूपमा सामान्य नभएकाले वीरगन्ज महानगरपालिकाका केही संवेदनशील क्षेत्रमा भने निषेधाज्ञा जारी गरिएको छ। सोमबार बेलुकी ६ बजेदेखि मंगलबार बिहान ८ बजेसम्मका लागि निषेधाज्ञा लागू गरिएको प्रशासनले जनाएको छ।

उक्त अवधिभर कुनै पनि प्रकारका भेला, सभा, जुलुस तथा प्रदर्शन गर्न नपाइने स्पष्ट गरिएको छ।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

वीरगन्जमा कर्फ्यु हट्यो, निषेधाज्ञा जारी