हर्क साम्पाङविरुद्ध उजुरी दर्ता, चुनावी प्रचारमा बालबालिकाको प्रयोग गरेको आरोप

अनलाइन नेपाल

सोमवार , माघ १२, २०८२

हर्क साम्पाङविरुद्ध उजुरी दर्ता, चुनावी प्रचारमा बालबालिकाको प्रयोग गरेको आरोप

धरान । धरान उपमहानगरपालिकाका निवर्तमान प्रमुख एवं श्रम संस्कृति पार्टीका अध्यक्ष हर्कराज राई (हर्क साम्पाङ) विरुद्ध उजुरी दर्ता भएको छ ।

सुनसरी–१ बाट प्रतिनिधिसभा सदस्यको उम्मेदवार रहेका साम्पाङविरुद्ध धरान नगर बाल सञ्जालले आइतबार निर्वाचन अधिकृतको कार्यालय र प्रहरीमा उजुरी दर्ता गराएको हो ।

आउँदो फागुन २१ गते हुने निर्वाचनका लागि गरिएको चुनावी प्रचारप्रचारमा बालबालिकाको प्रत्यक्ष प्रयोग गरिएको आरोप लगाइएको छ ।

उजुरीमा बालबालिका ऐन, २०७५ को परिच्छेद २, दफा ७ को उपदफा ९७० अनुसार बालबालिकालाई प्रत्यक्ष वा अप्रत्यक्ष रूपमा राजनीतिक उद्देश्यका निम्ति प्रयोग गर्न नपाइने कानुनी व्यवस्था स्मरण गराइएको छ ।

नगर बाल सञ्जालले साम्पाङलाई निर्वाचन अधिकृतको कार्यालयमा झिकाई आवश्यक छलफल, छानबिन गरी आचारसंहिता तथा कानुनबमोजिम कारबाही गर्न माग गरेको छ ।

उजुरी बुझ्दै प्रमुख निर्वाचन अधिकृत दिव्यराज घिमिरेले कारबाही प्रक्रिया अगाडि बढाइने र प्रमाणित भए एक लाख रुपैयाँसम्म जरिवाना र उमेदवारी दर्ता समेत खारेज हुनसक्ने बताए ।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

हर्क साम्पाङविरुद्ध उजुरी दर्ता, चुनावी प्रचारमा बालबालिकाको प्रयोग गरेको आरोप