Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बुधवार , माघ १४, २०८२
एजेन्सी । जेनजी आन्दोलनका क्रममा केद्रीय कारागार सुन्धाराबाट भागेका भारतीय नागरिक धर्मेश चुनारालाई अहमदाबाद प्रहरीले पक्राउ गरेको छ।
भारतीय संचारमाध्यमका अनुसार चुनारालई कागडापीठ क्षेत्रमा रहेको उनकी सासूको घरबाट पक्राउ गरिएको थियो, जहाँ उनी लुकेका थिए।
२०८२ साउन ५ मा आगमनतर्फको लगेज चेकजाँच गर्दा बैंककबाट आएका भारतीय नागरिकले ल्याएको १३ केजी हाइब्रिड गाँजा बरामद भएको थियो । सो गाँजा ल्याउने भारतीय नागरिक धर्मेश रसिकभाई चुनारा पक्राउ परेका थिए ।
चुनाराबाट लगभग १३ करोड मूल्यको १३ किलोग्राम हाइब्रिड गाँजा बरामद भएको थियो । पछि उनी सुन्धारास्थित भद्र जेलमा चलान भएका थिए ।
भद्र जेलबाट धर्मेश चुनारा सहित धेरै कैदीहरू भागे। जेनजी आन्दोलनका क्रममा नेपाल सरकारले भदौ २४ गते भागेका भारतीय कैदीहरूको सूची जारी गरेको थियो, जसमा उनको नाम पनि समावेश थियो।
धर्मेश भारत-नेपाल सीमामा रहेको सोनाली सीमा हुँदै भारत प्रवेश गरि अहमदाबाद पुगेका थिए । उनी आफ्नी सासूको घरमा लुकेका थिए । महिनौंको गुप्तचर निगरानी पछि अहमदाबाद अपराध शाखाको विशेष अपरेशन टिमले मंगलबार उनलाई पक्राउ गरेको छ।
अहमदाबाद प्रहरीले अभियुक्तलाई सोधपुछको लागि हिरासतमा राखिएको बताएको छ।प्रहरीका अनुसार नेपाल सरकारलाई सम्पर्क गरिनेछ र सुपुर्दगी कार्यवाही सुरु गरिनेछ ताकि उनलाई नेपाल फिर्ता गर्न सकियोस् र मुद्दा चलाउन सकियोस्।
अपराध शाखाका सहआयुक्त शरद सिंघलले धर्मेश पक्राउ अन्तर्राष्ट्रिय अपराधीहरूलाई नियन्त्रण गर्ने दिशामा एक महत्त्वपूर्ण कदम भएको बताए।
नेपालमा जेनजी आन्दोलनका क्रममा विभिन्न जेलबाट १५ हजार भन्दा बढी कैदीहरू भागेका थिए । केही भारतीयहरू सहित धेरै अपराधीहरूले अराजकताको फाइदा उठाएर भागेका थिए।
© 2026 All right reserved to onlinenepal.com
Design & Developed By
