काठमाडौं । राष्ट्रपति रामचन्द्र पौडेलको जापान भ्रमण मन्त्रिपरिषद्को बैठकले स्वीकृत गरेको छ ।
बिहीबार बसेको मन्त्रिपरिषद् बैठकले राष्ट्रपति पौडेले जापान भ्रमण स्वीकृत गरेको हो । राष्ट्रपति पौडेल माघ १८ देखि २१ गतेसम्म जापान भ्रमणमा जाँदै छन्।
नेपाल र जापानको कूटनीतिक सम्बन्ध स्थापना भएको ७०औँ वर्षगाँठको उपलक्ष्यमा जापानमा विविध कार्यक्रम आयोजना हुँदै छन्। राष्ट्रपति पौडेलले जापानमा आयोजना हुने विविध कार्यक्रममा सहभागी हुने कार्यक्रम रहेको छ।