Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
शुक्रवार , माघ १६, २०८२
चितवन । चितवनको मुग्लिन–नारायणगढ सडकखण्डमा नाइट बस पल्टिँदा ३८ जना यात्रु घाइते भएका छन् ।
जिल्ला प्रहरी कार्यालय चितवनका अनुसार दाङबाट काठमाडौं जाँदै गरेको लुम्बिनी प्रदेश ०२–००१ ख ०४६० नम्बरको बस आज बिहान करिब ३ बजेर १० मिनेटमा चितवनको भरतपुर महानगरपालिका अन्तर्गत ‘घुमाउने’ भन्ने स्थानमा सडकमै पल्टिएको हो ।
दुर्घटनापछि प्रहरी टोलीले तत्काल उद्धार कार्य गरी घाइतेहरूलाई उपचारका लागि विभिन्न अस्पतालमा पठाएको थियो । प्रहरीका अनुसार हाल घाइतेहरूको उपचार भरतपुर र मुग्लिनका चार अस्पतालमा भइरहेको छ।
जिल्ला प्रहरी कार्यालय चितवनका सूचना अधिकारी प्रहरी नायब उपरीक्षक रविन्द्र खनालका अनुसार घाइतेमध्ये १० जनाको अवस्था मध्यम रहेको छ भने २८ जनाको अवस्था सामान्य छ ।
मौलाकालिका अस्पताल, भरतपुरमा १५ जना, पुरानो मेडिकल कलेज, भरतपुरमा १३ जना, नयाँ मेडिकल कलेजका ४ जना र जनता केयर अस्पताल, मुग्लिनमा ६ जनाको उपचार भइरहेको प्रहरीले जनाएको छ ।
नयाँ मेडिकल कलेज भरतपुरमा उपचाररत चार जनामध्ये तीन यात्रु र एक जना सहचालक रहेका छन्, जसको अवस्था मध्यम रहेको प्रहरीले जनाएको छ।
पुरानो मेडिकल कलेज, मौलाकालिका अस्पताल र जनता केयर अस्पतालमा उपचाररत अधिकांश घाइतेहरूको अवस्था सामान्य रहेको छ भने केहीको अवस्था मध्यम छ।
दुर्घटनामा बसका चालक र सहचालकसमेत घाइते भएका छन्। सबै घाइतेको अवस्था हाल स्थिर रहेको र उपचार जारी रहेको प्रहरीले जनाएको छ।
प्रहरीका अनुसार दुर्घटनाको कारण खुल्न बाँकी रहेको छ। घटनाबारे थप अनुसन्धान भइरहेको जिल्ला प्रहरी कार्यालय चितवनले जनाएको छ।
© 2026 All right reserved to onlinenepal.com
Design & Developed By
