आईसीसी टी-२० वरीयतामा दीपेन्द्रसिंह ऐरी चौथो स्थानमा

अनलाइन नेपाल

बुधवार , फाल्गुण ६, २०८२

काठमाडौं। नेपाली राष्ट्रिय क्रिकेट टोलीका अलराउन्डर दीपेन्द्रसिंह ऐरी आइसिसी टी–२०आई अलराउन्डर वरियतामा महत्त्पुर्ण उपलब्धि हासिल गरेका छन् ।

आईसीसीले बुधबार अध्यावधि गरेको नयाँ वरियताअनुसार दीपेन्द्र चौथो स्थानमा उक्लिएका हुन् ।

आइसिसी टी–२० विश्वकपमा नेपालका लागि सर्वाधिक १६९ रन बनाएपछि दीपेन्द्रको वरियता सुधार भएको हो ।

दीपेन्द्रको रेटिङ अंक २०२ बाट बढेर २४४ पुगेको छ ।

अलराउण्डर वरियताको शीर्ष स्थानमा पाकिस्तानका सायम अयुब उक्लिएका छन् । उनको ३०३ रेटिङ अंक छ ।

जिम्बाबेका सिकन्दर राजा २९७ अंकसहित दोस्रोमा झरेका छन् । २८२ अंकसहित तेस्रोमा भारतका हार्दिक पान्ड्या यथावत् छन् ।

यस्तै पाँचौँ स्थानमा अफगानिस्तानका अजमतुल्लाह ओमरजाइ उक्लिएका छन् ।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

एसियन गेम्समा नेपालको लगातार दोस्रो जित, समूह विजेता बन्दै सेमिफाइनलमा