Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
शुक्रवार , फाल्गुण १५, २०८२
काठमाडौं । अन्तर्राष्ट्रिय समाचार संस्था बीबीसी नेपाली सेवाले भदौ २३ र २४ गतेको जेनजी आन्दोलनसँग सम्बन्धित रहेर तयार पारेको डकुमेन्ट्रीलाई तत्कालीन प्रहरी महानिरीक्षक (आईजीपी) चन्द्रकुवेर खापुङले ‘मिडिया ट्रायल’ को संज्ञा दिएका छन् ।
एक अनलाइनसँग अन्तर्वार्ता दिंदै उनले डकुमेन्ट्रीमा प्रस्तुत भएका प्रहरीका संवाद र कलसाइनहरु हुबहु नहुनसक्ने दावी गरेका छन् । नेपाल प्रहरीको सञ्चार सेटको टावर, डाटा अद्यावधिक र भण्डारण अत्यन्तै संवेदनशील विषय भएको र ती कुरा जोकसैलाई प्रहरीले उपलब्ध नगराउने उनको भनाइ छ ।
खापुङ कात्तिक २७ गते नेपाल प्रहरी सेवाबाट अनिवार्य अवकास भएका थिए ।
बीबीसीको डकुमेन्ट्रीबारे के भन्नुहुन्छ ? भन्ने प्रश्नमा आईजीपी खापुङले भनेका छन्–‘यो ‘मिडिया ट्रायल’ हो । चुनावको मुखमा निकालेका छन् । त्यसैले यो ‘कन्टेन्ट’ (विषयबस्तु)मा भन्दा पनि ‘टपिक’ (शीर्षक)मा खेलिरहेका छन् । ‘कन्टेन्ट’ मा खासै केही छैन ।
कर्फ्यु लागिसकेपछि गोली हान्ने आदेश दिनुभएको हो कि होइन भन्ने अर्को प्रश्नमा तत्कालिन आईजीपी खापुङले ‘कर्फ्यु आदेश जारी भएपछि ‘आवश्यकता अनुसार गर’ भनेको छ । गोली हान भनेको त छैन नि । पुलिस मर्न आँट्यो, ज्यान जान आँट्यो, आगो लागिसक्यो के गर्ने भनेर कराइराख्दा कफ्र्यु आदेश जारी भएपछिको अवस्थामा कानून बमोजिम गर्ने हो । फिल्डको ‘सिच्युवेशन’ (परिस्थिति)हेरेर आवश्यकताअनुसार गर्ने हो ।’ भन्दै उत्तर दिएका छन् ।
तत्कालिन आईजीपी खापुङले जेनजी, रास्वपाहरुको ‘फेबर’ मा निर्वाचन परिणाम जाओस् भनेर पनि भिडियो सार्वजनिक गरेको हुनसक्ने हुनसक्ने बताएका छन् ।
© 2026 All right reserved to onlinenepal.com
Design & Developed By
