Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
शुक्रवार , फाल्गुण २९, २०८२
काठमाडौं । काठमाडौंबाट काँकडभिट्टा जाँदै गरेको नाइट बसको क्याविनमै ढुंगो बजारिएपनि चालकको सतर्कताले दुर्घटनाबाट बचेको छ ।
तुइन खोला पहिरोमा माथिबाट अचानक ढुंगा खस्दा एक जना घाइते भएका छन् भने बसको अगाडिको सिसा नै फुटेको छ ।
यद्दपि, चालकको होसियारीले ठूलो दुर्घटना टरेको छ । राष्ट्रिय यातायात व्यवसायी महासंघ कार्यवाहक अध्यक्ष सरोज सिटौलाले पनि चालकको होसियारीले दुर्घटना टरेको बताएका छन् ।
गएराती पानी परिरेका कारण चितवनको इच्छाकामना गाउँपालिका– ५ स्थित तुइनखोलाको पहिरोबाट स–साना ढुंगा झरिरहेको थियो। जसले गर्दा सवारीको चाप पनि बढी नै थियो । त्यहिबेला माथिबाट खसेको ढुंगा चालक अगाडिको सिसामा बजारियो र सिसा फुटाएर ढुंगा बसभित्रै पस्यो।
झमझम पानी परिरहेका बेला बस हाँकिरहेका थिए, चालक श्याम जोशीले । एक्कासी बसको सिसामा ढुंगा झरेपछि आफूले हत्तपत्त ब्रेक लगाउन भ्याएको उनी बताउँछन्। नयाँ प्रविधिको ब्रेकका कारण मात्रै यात्रु र आफ्नो ज्यान जोगाउन भ्याएको उनको भनाइ छ।
गएराति भएको उक्त घटनाको दृष्य बसमा रहेको सीसीटीभी क्यामरामा रेकर्ड भएको छ ।
बागमती प्रदेश ०३–००१ ख–४८७१ नम्बरको बसमा उक्त घटना भएको हो । बसमा ४३ जना सवार थिए । बसले आकस्मिक ब्रेक लगाउँदा थप केही यात्रु सामान्य घाइते भएपनि चालकले बहादुरीपूर्वक गाडी बचाउन सफल भएको घिडियो मै देख्न सकिन्छ ।
सिटौलाले भनेका छन्–‘थोरै पनि दायाँबायाँ भएको भए तल त्रिशूली नदीमा जाने जोखिम थियो । चालकले यो घटनामा बहादुरी देखाएका छन् ।’
बसमा सीसी क्यामरा र जीपीएस सिस्टम जडान भएका कारण घटनाबारे तत्कालै जानकारी पाएको र बसमा यस्ता प्रविधि जडान हुँदा भैपरि आउने घटना न्यूनीकरणमा सहयोग पुग्ने सिटौलाको भनाई छ ।
दुर्घटना भयो कि चालककै लापरबाहीले हो भन्ने गरिएको बताउँदै सिटौलाले भने–‘दुर्घटना हुनुको गल्ती सबै चालकको मात्रै हुँदैन। हिजो त्यो दुर्घटना पनि सीसीटीभीमा रेकर्ड थिएन र ठूलो दुर्घटना भएको थियो भने उस्तै आरोप लाग्थ्यो। तर प्रविधिको प्रयोगले प्रमाण देखाएको छ। अब कार्यविधि नै बनाएर सबै सवारीमा यो प्रविधि प्रयोग गर्नुपर्छ।’
© 2026 All right reserved to onlinenepal.com
Design & Developed By
