काठमाडौं । अर्थ मन्त्रालय मातहतका ३० उपसचिवहरुको सरुवा गरिएको छ ।
अर्थमन्त्री डा. स्वर्णिम वाग्लेले मन्त्रालय सम्हालेपछि पहिलो पटक उपसचिवहरूको सरुवा भएको हो ।
अर्थ मन्त्रालय मातहतका निकायहरुमा कार्यरत उपसचिवहरूको भन्सार विभाग, आन्तरिक राजस्व विभागसहित मातहतका निकायहरू, प्रदेश आर्थिक मामिला तथा योजना मन्त्रालयमा सरुवा गरिएको छ ।
लोक सेवाले प्रकाशन गरेको वरियता अनुसार स्वयं कर्मचारीलाई नै रोजाएर उनीहरूको सरुवा गरिएको मन्त्रालयले जनाएको छ ।

