Jul 21 2026 | २०८३, श्रावण ५ गते
21 Jul 2026 | मंगलवार, श्रावण ५ गते २०८३
मंगलवार, श्रावण ५ गते २०८३
Jul 21 2026 | २०८३, श्रावण ५ गते
21 Jul 2026 | मंगलवार, श्रावण ५ गते २०८३
शनिवार , बैशाख १९, २०८३
काठमाडौं । नेकपा एमालेका महासचिव शंकर पोखरेलले सरकारसँग विस्थापित सुकुमबासीका लागि ‘ज्ञ (ज्ञान) क्रान्ति’ को स्पष्ट खाका सार्वजनिक गर्न माग गरेका छन् ।
शनिबार सामाजिक सञ्जाल फेसबुकमार्फत् प्रतिक्रिया दिँदै उनले प्रधानमन्त्री बालेन्द्र शाहको वास्तविक क्रान्ति ज्ञानबाट सुरु हुन्छ भन्ने अभिव्यक्तिलाई उद्धृत गर्दै यस्तो भनेका हुन् ।
सुकुम्वासी बस्तीमा डोजर चलाएका सरकारले मानवता, मानवीय जिम्मेवारी र दिगो समाधानतर्फ गम्भीर जिम्मेवार नभएको आरोप लगाए।
'वास्तविक क्रान्ति ज्ञ (ज्ञान)बाट सुरु हुन्छ भन्ने प्रधानमन्त्रीले आजको यो सङ्कटमा कस्तो क्रान्तिकारी कदम चाल्दै हुनुहुन्छ ? प्रभावित तथा असुरक्षित महसुस गरिरहेका सुकुम्वासी नागरिकलाई स्पष्ट योजनाका साथ समयमै आश्वस्त पार्नुपर्ने हैन र ?,' उनले भनेका छन् ।
‘आजको संकटमा कस्तो क्रान्तिकारी कदम चालिँदैछ ?’ भन्दै उनले सरकारसँग स्पष्ट जवाफ माग गरेका छन् ।
पोखरेलले २०७५ सालमा बारा-पर्सा क्षेत्रमा आएको भीषण आँधीपछिको पुनर्स्थापनाको उदाहरण दिँदै तत्कालीन एमाले नेतृत्वको सरकारले छोटो समयमै आवास निर्माण गरी प्रभावितलाई राहत दिएको स्मरण गरेका छन् ।
उक्त विपत्तिमा २८ भन्दा बढीको मृत्यु, ११५० भन्दा बढी घाइते र करिब २५ सय घरमा क्षति पुगेको तथ्यांक पनि उनले प्रस्तुत गरेका छन् ।
उनले थपेका छन्, ‘सरकारले आफैँ सुकुम्वासी बस्तीमा डोजर चलाएर हजारौँलाई घरवारविहीन बनाएको छ। बर्खा आउनुअघि पुनःस्थापना नगर्ने हो भने गम्भीर मानवीय सङ्कट निम्तिने निश्चित छ।
© 2026 All right reserved to onlinenepal.com
Design & Developed By
