काठमाडौं । राष्ट्रिय स्वतन्त्र पार्टी (रास्वपा)ले पार्टी केन्द्रीय समितिको बैठक बोलाएको छ ।
आइतबार बसेको पार्टी केन्द्रीय सचिवालय बैठकले वैशाख ३० गते केन्द्रीय समिति बैठक बोलाउने निर्णय गरेको हो ।
बैठकले वडा, पालिका र जिल्ला तहका भेला तथा अधिवेशनको विशेष तालिका स्वीकृत गर्नुका साथै विभिन्न विभाग र तहमा नयाँ जिम्मेवारी तोकेको छ ।
यस्तै, प्रदेश समितिको सिफारिसका आधारमा बारा जिल्ला समिति विघटन गर्ने तथा पार्टी हितविपरीत गतिविधिमा संलग्न रहेको भन्दै विभिन्न जिल्लाका १५ जना सदस्यहरूको सदस्यता खारेज गर्ने निर्णयसमेत गरिएको रास्वपाले जनाएको छ ।