Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
'स्वर्णकार भन्छन् मेरो राजनीतिक हत्या भयो'
शुक्रवार , जेठ ८, २०८३
बारा । राष्ट्रिय स्वतन्त्र पार्टी (रास्वपा) बारा जिल्ला सभापति चन्दन स्वर्णकारको पार्टी साधारण सदस्यता खारेज भएको छ।
केन्द्रीय संगठन विभागका सचिव शंकर श्रेष्ठले उनलाई पत्र पठाउँदै सदस्यता खारेज भएको जानकारी दिएका हुन्।
अनुशासन आयोगमा बारा जिल्लाबाट निर्वाचित चार जना सांसदहरूले स्वर्णकारविरुद्ध आर्थिक अनियमितता, पार्टी संगठन प्रभावकारी रूपमा सञ्चालन नगरेको तथा विपक्षी दलका उम्मेदवारको पक्षमा लागेको लगायतका आरोपसहित उजुरी दिएका थिए।
सोहि आरोपका आधारमा पार्टीले कारबाही स्वरुप पार्टी साधारण सदस्यता खारेज गरेको हो ।
रास्वपाका अनुसारबारा जिल्ला समिति भंग गरी नयाँ समिति गठन गर्न केन्द्रबाट प्रतिनिधि खटाइसकिएको छ ।
यसैबीच, पार्टीबाट निष्कासित भएका स्वर्णकारले भने आफूलाई अन्यायपूर्ण रूपमा कारबाही गरिएको दाबी गरेका छन्। उनले आफ्नो फेसबुकमा पत्र सार्वजनिक गर्दै यसलाई राजनीतिक हत्याको संज्ञा दिएका छन्।
स्वर्णकारले लेखेका छन्- 'मेरो राजनीतिक हत्या भयो, अब फैसला महागढीमाई र बाराका जनताको हातमा छ।' उनले कारबाहीलाई षड्यन्त्रको परिणाम भन्दै कुनै निष्पक्ष छानबिन बिना निर्णय गरिएको आरोप पनि लगाएका छन्।
उनका अनुसार जेठ ९ गते हुने भनिएको बाराको विस्तारित बैठक र अधिवेशनअघि आफूलाई साधारण सदस्य समेत नरहने गरी हटाइएको हो, जुन निर्णय सांसदहरूको दबाबमा गरिएको उनले दाबी गरेका छन्।
स्वर्णकारले आफ्नो राजनीतिक यात्रा नरोकिने बताउँदै अब रास्वपाको लोगोबिना स्वतन्त्र रूपमा जनसेवामा सक्रिय रहने बताएका छन्।
© 2026 All right reserved to onlinenepal.com
Design & Developed By
