Jul 22 2026 | २०८३, श्रावण ६ गते
22 Jul 2026 | बुधवार, श्रावण ६ गते २०८३
बुधवार, श्रावण ६ गते २०८३
Jul 22 2026 | २०८३, श्रावण ६ गते
22 Jul 2026 | बुधवार, श्रावण ६ गते २०८३
शुक्रवार , जेठ १५, २०८३
काठमाडौं । कम्बोडिया सरकारले भिसा अवधि सकिएपछि पनि अवैध रुपमा त्यही बसिरहेका ६०२ नेपाली नागरिकको जरिबाना शुल्क मिनाहा गरेको छ ।
थाइल्यान्डको बैंककस्थित नेपाली दूतावासको अनुरोधपछि कम्बोडियाले यो निर्णय गरेको हो ।
यस निर्णयपछि स्वदेश फर्किन बाँकी रहेका नेपालीलाई नेपाल पठाउने प्रक्रिया सहज भएको छ । थाइल्यान्डका लागि नेपाली राजदूत धनबहादुर वलीका अनुसार सबैलाई नेपाल फर्कनका लागि ‘ट्राभल डकुमेन्ट’ पनि उपलब्ध गराइसकिएको छ ।
उनका अनुसार हाल ३०२ जना नेपाली अझै फर्किन बाँकी छन् । तीमध्ये २५० जना छिट्टै नेपाल फर्कने तयारीमा छन् भने ५२ जना भने अझै कम्बोडियामै बसेका छन् । उनीहरूलाई एक हप्ताभित्र फर्कन दूतावासले आग्रह गरेको छ ।
तोकिएको समयसीमा पालना नगर्नेहरूलाई भने त्यहाँको नयाँ कानुनअनुसार थप जरिबाना तथा कैद सजायको व्यवस्था लागू हुने चेतावनी दिइएको छ ।
कम्बोडियामा भिसा अवधि सकिएपछि बस्ने विदेशीलाई प्रतिदिन १० अमेरिकी डलर जरिबाना लाग्थ्यो ।
तर, नयाँ कानुनी प्रावधानअनुसार अवैध रूपमा सञ्चालित अनलाइन स्क्यामिङ केन्द्रमा संलग्न हुने वा भिसा समाप्त भएपछि पनि बसिरहने विदेशीलाई ५ लाख अमेरिकी डलरसम्म जरिबाना तथा आजीवन कैदसम्मको सजाय हुन सक्ने व्यवस्था रहेको उल्लेख गरिएको छ ।
दूतावासका अनुसार मानव तस्करले विभिन्न प्रलोभन देखाएर नेपालीलाई कम्बोडिया पुर्याई अवैध काममा लगाउने गरेको पाइएपछि पछिल्ला दुई वर्षदेखि उद्धार र फिर्ती प्रक्रिया चलिरहेको छ ।
यस्तै जरिबाना तथा शुल्क मिनाहा भएका व्यक्तिहरूले स्वदेश फर्कन आवश्यक हवाई टिकटको व्यवस्था आफैँ गर्नुपर्नेछ । टिकट व्यवस्थापन गरेपछि त्यसको जानकारी कम्बोडियाको अध्यागमन निकायमा गराउनुपर्ने प्रावधानसमेत लागू हुने दूतावासले स्पष्ट पारेको छ ।
© 2026 All right reserved to onlinenepal.com
Design & Developed By
