मोहना नदी किनारमा मृत भेटिएका युवकको हत्या भएको खुलासा, दुईजना पक्राउ

अनलाइन नेपाल

मंगलवार , जेठ २६, २०८३

मोहना नदी किनारमा मृत भेटिएका युवकको हत्या भएको खुलासा, दुईजना पक्राउ

धनगढी । कैलालीको धनगढीस्थित मोहना नदी किनारमा बेवारिसे अवस्थामा फेला परेका २० वर्षीय युवकको हत्या भएको खुलेको छ ।

जिल्ला प्रहरी कार्यालय कैलालीका अनुसार आइतबार धनगढी उपमहानगरपालिका–९ त्रिवेणीघाटस्थित मोहना नदी किनारमा मृत फेला परेका युवकको प्रारम्भिक अनुसन्धानपछि हत्या भएको पुष्टि भएको हो ।

मृतक कैलारी गाउँपालिका–९ गदरियाका २० वर्षीय राजकुमार राना हुन् ।

प्रहरीका प्रवक्ता प्रहरी नायब उपरीक्षक (डीएसपी) योगेन्द्र तिमिल्सिनाका अनुसार रानामाथि कुटपिट गरी हत्या गरिएको र त्यसपछि शव मोहना नदी किनारमा फालिएको प्रारम्भिक अनुसन्धानले देखाएको छ।

घटनामा संलग्न भएको आरोपमा धनगढी उपमहानगरपालिका–८ का ६० वर्षीय बम्मन राना र ५८ वर्षीया भँगु रानालाई पक्राउ गरिएको प्रहरीले जनाएको छ। उनीहरूसहित चार जनाको समूहले मिलेर हत्या गरेको आशंका गरिएको छ ।

अन्य दुई जना भने फरार रहेको र उनीहरूको खोजी कार्य जारी रहेको छ । पक्राउ परेकाहरू विरुद्ध कर्तव्य ज्यान मुद्दामा म्याद थप गरी अनुसन्धान भइरहेको जिल्ला प्रहरी कार्यालय कैलालीले जनाएको छ।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

मोहना नदी किनारमा मृत भेटिएका युवकको हत्या भएको खुलासा, दुईजना पक्राउ