विश्वकपमा मेसीको १५औँ गोल, रोनाल्डोको कीर्तिमान बराबरी

अनलाइन नेपाल

बुधवार , आषाढ ३, २०८३

विश्वकपमा मेसीको १५औँ गोल, रोनाल्डोको कीर्तिमान बराबरी

काठमाडौं । फुटबलका सर्वकालीन महान् खेलाडी लियोनेल मेसीले फिफा विश्वकप–२०२६ मा अर्को ऐतिहासिक उपलब्धि हासिल गरेका छन्।

अल्जेरियाविरुद्ध जारी समूह ‘जे’ को खेलमा व्यक्तिगत दोस्रो गोल गर्दै उनले विश्वकपको फाइनल चरणमा आफ्नो कुल गोल संख्या १५ पुर्‍याएका हुन्।

यो गोलसँगै मेसी विश्वकप इतिहासमा सर्वाधिक गोल गर्ने खेलाडीहरूको सूचीमा ब्राजिलका महान् स्ट्राइकर रोनाल्डो नाजारियोसँग संयुक्त रूपमा दोस्रो स्थानमा उक्लिएका छन्।

अब उनी जर्मनीका मिरोस्लाभ क्लोजको १६ गोलको सर्वकालीन कीर्तिमान बराबरी गर्न एक गोल र नयाँ कीर्तिमान बनाउन दुई गोल मात्र टाढा छन् ।

खेलको दोस्रो गोल अर्जेन्टिनाको उत्कृष्ट टिमवर्कको नमुना बनेको थियो । गोलरक्षक एमिलियानो मार्टिनेजले आफ्नै क्षेत्रबाट अगाडि पठाएको लामो पासलाई मेसीले कुशलतापूर्वक नियन्त्रण गर्दै डिफेन्स पछाडि बढाए।

त्यसपछि एलेक्सिस म्याक एलिस्टेरले करिब २५ यार्ड टाढाबाट गरेको शक्तिशाली प्रहार अल्जेरियाका गोलरक्षक लुका जिदानले पूर्ण रूपमा नियन्त्रण गर्न सकेनन्।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

विश्वकपमा मेसीको १५औँ गोल, रोनाल्डोको कीर्तिमान बराबरी