काठमाडौँ । परराष्ट्रमन्त्री शिशिर खनाल चारदिने चीन भ्रमण सम्पन्न गरी आज स्वदेश फर्किएका छन् ।
चिनियाँ विदेशमन्त्री वाङ यीको औपचारिक निमन्त्रणामा मन्त्री खनाल चीनको राजधानी बेइजिङ पुगेका थिए ।
भ्रमणका क्रममा मन्त्री खनालले चिनियाँ विदेशमन्त्री वाङ यीसँग द्विपक्षीय सम्बन्ध, आपसी सहयोग विस्तार तथा क्षेत्रीय तथा अन्तर्राष्ट्रिय मुद्दाहरूका विषयमा छलफल गरेका थिए ।
भेटवार्तामा दुवै पक्षले नेपाल–चीन सम्बन्धलाई थप सुदृढ बनाउने विषयमा जोड दिएका छन् ।
त्यसैगरी उनले चिनियाँ कम्युनिस्ट पार्टी (सीपीसी) केन्द्रीय समितिको अन्तर्राष्ट्रिय विभाग प्रमुख लिउ हाइसिङसँग पनि छुट्टै भेटवार्ता गरेका थिए ।
उक्त भेटमा पार्टी–पार्टी सम्बन्ध, विकास साझेदारी तथा आपसी सहकार्य विस्तारका विषयमा छलफल भएको जनाइएको छ ।