जेनजी आन्दोलनसम्बन्धी मानवअधिकार आयोगको प्रतिवेदन भन्दै सच्याउन केपी ओलीको निवेदन

अनलाइन नेपाल

बिहिवार , आषाढ २५, २०८३

जेनजी आन्दोलनसम्बन्धी मानवअधिकार आयोगको प्रतिवेदन भन्दै सच्याउन केपी ओलीको निवेदन

काठमाडौं । नेकपा एमालेले जेनजी आन्दोलनको घटनासम्बन्धी प्रतिवेदन सच्याउन राष्ट्रिय मानव अधिकार आयोगसमक्ष माग गरेको छ ।

बिहीबार एमाले नेता महेश बर्तौलाले आयोगका अध्यक्ष तपबहादुर मगरलाई भेटेर एमाले अध्यक्ष तथा पूर्वप्रधानमन्त्री केपी शर्मा ओलीका तर्फबाट निवेदन बुझाएका हुन् ।

एमालेले आयोगको निर्णय नम्बर १७७ मा सिफारिस पूर्वाग्रहपूर्ण र असंवैधानिक रहेको निवेदनमा उल्लेख छ ।

आयोगले भदौ २३ र २४ गतेको घटनामा पूर्वप्रधानमन्त्री केपी शर्मा ओली, पूर्वगृहमन्त्री रमेश लेखक र पूर्वसञ्चारमन्त्री पृथ्वी सुब्बा गुरुङले मानवअधिकार उल्लङ्घन गरेको ठहर गर्दै कारबाहीको सिफारिस गरेको थियो।

आयोगको उक्त निर्णय नेपालको संविधान, प्रचलित कानुन तथा अन्तर्राष्ट्रिय मानवअधिकारका स्थापित मान्यता र सिद्धान्तसँग मेल नखाने, पूर्वाग्रहपूर्ण र असंवैधानिक रहेको दाबी गर्दै त्यसलाई पुनरावलोकन गरी सच्याउन निवेदन दर्ता गरेको हो ।

यससँगै एमालेले आयोगसँग यसअघि माग गरिएका सबै कागजात र प्रतिवेदनको प्रमाणित प्रतिलिपि पनि उपलब्ध गराउन आग्रह गरेको छ । आयोगले माग गरिएका सबै कागजात हालसम्म पूर्ण रूपमा उपलब्ध नगराएको एमालेको भनाइ छ ।

एमालेले लिली थापाको नेतृत्वमा बनेको छानबिन समितिले आयोगमा बुझाएको प्रतिवेदनको प्रमाणित प्रतिलिपि दिन पनि माग गरेको छ ।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

जेनजी आन्दोलनसम्बन्धी मानवअधिकार आयोगको प्रतिवेदन भन्दै सच्याउन केपी ओलीको निवेदन