Jul 14 2026 | २०८३, आषाढ ३० गते
14 Jul 2026 | मंगलवार, आषाढ ३० गते २०८३
मंगलवार, आषाढ ३० गते २०८३
Jul 14 2026 | २०८३, आषाढ ३० गते
14 Jul 2026 | मंगलवार, आषाढ ३० गते २०८३
मंगलवार , आषाढ ३०, २०८३
काठमाडौं । नक्कली भुटानी शरणार्थी प्रकरणमा दोषी ठहर भएका पूर्वगृहमन्त्री बालकृष्ण खाँणलाई जिल्ला अदालत काठमाडौंले दुई वर्ष कैद र २० हजार रुपैयाँ जरिवाना सजाय सुनाएको छ ।
मंगलबार सजाय निर्धारण गर्दै जिल्ला अदालत काठमाडौंका न्यायाधीश तेजबहादुर खड्काको इजलासले खाणलाई विभिन्न कसुरमा छुट्टाछुट्टै सजाय तोके पनि एकीकृत सजायका आधारमा दुई वर्ष कैद र २० हजार रुपैयाँ जरिवाना हुने फैसला गरेको हो ।
अदालतले खाँणलाई ठगी कसुरमा एक वर्ष कैद र १० हजार रुपैयाँ जरिवाना, संगठित अपराधमा एक वर्ष छ महिना कैद र १५ हजार रुपैयाँ जरिवाना, तथा राज्यविरुद्धको कसुरमा ६ महिना कैद र ५ हजार रुपैयाँ जरिवाना तोकेको छ ।
साथै थप तीन महिनाको कैद सजाय पनि निर्धारण गरिएको छ। तर एकीकृत सजायको सिद्धान्तअनुसार उनले दुई वर्ष कैद र २० हजार रुपैयाँ जरिवाना मात्रै भोग्नुपर्नेछ ।
यसअघि असार २४ गते सोही इजलासले नक्कली भुटानी शरणार्थी प्रकरणमा १६ जनालाई दोषी ठहर गर्दै ७ जनालाई सफाइ दिएको थियो। मंगलबार दोषी ठहर भएकाहरूको सजाय निर्धारण गरिएको हो।
© 2026 All right reserved to onlinenepal.com
Design & Developed By
