Jul 19 2026 | २०८३, श्रावण ३ गते
19 Jul 2026 | आइतवार, श्रावण ३ गते २०८३
आइतवार, श्रावण ३ गते २०८३
Jul 19 2026 | २०८३, श्रावण ३ गते
19 Jul 2026 | आइतवार, श्रावण ३ गते २०८३
शनिवार , श्रावण २, २०८३
गोरखा । गृहमन्त्री सुधन गुरुङले राष्ट्रको सुरक्षा, शान्ति–सुव्यवस्था र विपद् व्यवस्थापनमा सशस्त्र प्रहरी बल (एपीएफ) ले निर्वाह गर्दै आएको भूमिकाको प्रशंसा गर्दै उच्च मनोबलका साथ जिम्मेवारी पूरा गर्न निर्देशन दिएका छन्।
शनिबार गोरखास्थित सशस्त्र प्रहरी बल नेपाल नं. २९ गुल्ममा आयोजित ब्रिफिङ कार्यक्रममा गृहमन्त्री गुरुङले सुरक्षा चुनौतीको सामना गर्दै नागरिकको सुरक्षामा खटिने सुरक्षाकर्मीप्रति गृह मन्त्रालय सधैं साथमा रहेको स्पष्ट पारेका हुन् ।
उनले 'गृह मन्त्रालय सधैं सुरक्षाकर्मीको साथमा छ, त्यसैले ढुक्क भएर आफ्नो जिम्मेवारी निर्वाह गर्नुहोस्,' भन्दै राष्ट्र र नागरिकको सुरक्षाका लागि समर्पित भएर काम गर्न आग्रह गरे ।
गृहमन्त्री गुरुङले सुरक्षाकर्मीको मनोबल उच्च राख्नु सरकारको प्राथमिकता रहेको उल्लेख गर्दै आवश्यक स्रोत, साधन, सहयोग र समन्वयका लागि गृह मन्त्रालय पूर्ण रूपमा प्रतिबद्ध रहेको बताए।
ब्रिफिङ कार्यक्रममा जिल्लाको समग्र सुरक्षा अवस्थाबारे जानकारी लिइएको थियो। कार्यक्रममा प्रमुख जिल्ला अधिकारी, नेपाल प्रहरीका नायब महानिरीक्षक, सशस्त्र प्रहरी बलका नायब महानिरीक्षक तथा गोरखास्थित विभिन्न सुरक्षा निकायका प्रमुखहरूको उपस्थिति रहेको थियो ।
© 2026 All right reserved to onlinenepal.com
Design & Developed By
