काठमाडौं । कपिलवस्तुको यशोधरा गाँउपालिकाभित्रका स्वास्थ्य कर्मचारीहरु जोखिम भत्ता नपाएको भन्दै चरणबद्ध आन्दोलनमा उत्रिएका छन् ।
जिल्लाको सबैभन्दा बढी कोरोना जोखिम मानिने गाउँपालिकामा कोरोना संक्रमणका बेला काममा खटिएका स्वास्थ्यकर्मीले जोखिम भत्ता नपाएपछि गाँउपालिकाका स्वास्थ्यका कर्मचारीले आन्दोलन सुरु गरेका हुन् ।
स्वास्थ्यकर्मीले गाँउपालिकाका प्रमुख प्रशासकीय अधिकृत रामचन्द्र ढकाललाई ज्ञापनपत्र समेत बुझाएका छन् । साउन ४ गते बसेको उनीहरुको बैठकले मागहरु पुरा नभए चरणबद्ध आन्दोलनमा जाने निर्णय गरेको छ ।
गाँउपालिकाले हालसम्म कोरोना संक्रमण सचेतना, राहत र व्यवस्थापन सम्बन्धि कार्यक्रमकै लागी २ करोड २८ लाख बढि रकम खर्च गरेको बताइएको छ । तर कार्यक्षेत्रमा खटिएर काम गरेका स्वास्थ्यका कर्मचारीलाई सरकारले देऊ भनेको सुविधा समेत खोसिएको स्वास्थ्यकर्मीले गुनासो रहेको छ ।
Leave a Reply