काठमाडौं। प्रदेश नम्वर २ का पर्सा, बारा र महोत्तरीका थप ४८ जनामा कोरोना संक्रमण पुष्टि भएको छ । वीरगञ्जस्थित नारायणी अस्पतालको पीसीआर प्रयोगशालामा गरिएको परीक्षणका क्रममा उनीहरुमा कोराना संक्रमण पुष्टि भएको हो ।

वीरगञ्जका २४ जना, बाराका २१ जना, महोत्तरीका २ जनामा संक्रमण पुष्टि भएको हो । त्यसैगरी भारतीय महावाणिज्य दूतावासका ३२ वर्षीय कर्मचारीमा कोरोना संक्रमण पुष्टि भएको अस्पतालले जनाएको छ ।

संक्रमितमध्ये २ जना महिला चिकित्सक छन् । नारायणी अस्पतालका १ जना चिकित्सकसहित ४ जना कर्मचारी, ३ जना सफाइ कर्मचारी र एकजना कार्यालय सहयोगी र ३ जना सेक्युरिटी गार्डमा कोरोना संक्रमण देखिएको हो ।

योसँगै पर्सामा मात्रै कोरोना संक्रमितको संख्या ११६५ पुगेको छ ।