काठमाडौं । केहीदिन अघि विशेष सुचनाकाे आधारमा प्रहरीले तत्काल एक्सन लिँदा भविष्यमा हुने ठुला दुर्घटना टरेकाे छ।

राजधानीको बालाजुस्थित माछापोखरीबाट प्रहरीले बरामद गरेको दुई पेस्तोल सर्लाही र महोत्तरीको सिमानाको बाँके जंगलमा ‘बस डकैती’ मा प्रयोग भएको खुलेपछि भविष्यमा हुने ठुला दुर्घटना टरेकाे अनुमान गरिएकाे छ।

महानगरीय अपराध महाशाखाले बुधवार दुई पेस्तोलसहित माछापोखरीबाट नुवाकोटका बिकेश पण्डित र नुवाकोटबाट अमर तामाङलाई पक्राउ गरेको थियो । अमरको बयानको आधारमा धनुषाका ३० वर्षीय शम्भु कार्कीलाई पनि महाशाखाले पक्राउ गरेर काठमाडौंँ ल्याएको छ ।

जिल्ला प्रहरी कार्यालय धनुषाको समन्वयमा शम्भुलाई शुक्रवार पक्राउ गरिएको महानगरीय अपराध महाशाखाका प्रमुख एसएसपी दीपक थापाले जानकारी दिए ।

हतियार सहित पक्राउ परेका समूहले दशैंको बेला सो पेस्तोल प्रयोग गरेर ‘लुटपाट’ गर्ने योजना बनाएको आशँका गरिएको छ । महाशाखाको अप्रेशनपछि अर्को ठुलो अपराधा योजना विफल भएको छ ।

माछापोखरीबाट बरामद दुई पेस्तोल, म्यागजिन र १० राउण्ड गोली ०७० मा बाँके जंगलमा भएको ‘बस डकैती’ मा प्रयोग भएको प्रहरीको अनुसन्धानबाट खुलेको छ ।

अर्को पनि पढ्नैपर्ने

अबैध हतियार बोकेर हिंडेका दुई जना अपराध महाशाखाको फन्दामा

९ जनाको समूहले बस डकैती गरेकाे समेत अनुसन्धानबाट खुलेकाे छ। पेस्तोल र गोलीसहित पेस्तोल परेको समूहमाथि प्रहरीले ‘हात हतियार तथा खरखाजना मुद्धा’मा अनुसन्धान गरिरहेको छ ।