काठमाडौं । नेपालगञ्ज मेडिकल कलेज, शिक्षण अस्पताल कोहलपुरमा थप एक जना काेराेना संक्रमितकाे मृत्यु भएकाे छ ।

दैलेखका ५१ वर्षीय कोरोना संक्रमित पुरुषको उपचारका क्रममा मृत्यु भएको जनस्वास्थ्य कार्यालय बाँकेले जनाएको छ ।

स्वास्थ्यमा जटिल समस्या आएपछि शनिबार राति १२: ४५ बजे नेपालगञ्ज मेडिकल कलेज, शिक्षण अस्पताल कोहलपुरमा भर्ना भएका उनको उपचारका क्रममा आइतबार दिउँसो साढे एक बजे मृत्यु भएको हाे ।

ती पुरुषलाई कर्णाली प्रदेश अस्पतालमा कोरोना संक्रमण पुष्टि भएको थियो । उनको आन्द्रा फुटेकोले अवस्था जटिल भएको हुँदा त्यहाँबाट कोहोलपुर रिफर भएका थिए ।