नक्कली सुकुम्बासी आयोग खडा गरेर ठगी गर्ने ८ जना पक्राउ

नक्कली सुकुम्बासी आयोग खडा गरेर ठगी गर्ने ८ जना पक्राउ

अनलाइन नेपाल
  • सोमबार, असोज २६ २०७७

  • 7.3K
    SHARES

  • नक्कली सुकुम्बासी आयोग खडा गरेर ठगी गर्ने ८ जना पक्राउ

    कास्की । नक्कली सुकुम्बासी आयोगकाे नाममा ठगी गर्ने ८ जना पक्राउ परेका छन्।

    पक्राउ पर्नेहरुमा पोखरा महानगरपालिका-५ पर्स्याङ डेरा गरी बस्ने माछापुच्छ्रे गाउँपालिका-९ सिजिङ घर भएका ३९ वर्षीय हिरा बहादुर तामाङ, पोखरा महानगरपालिका-१४ कुडहर बस्ने म्याग्दी रघुगंगा गाउँपालिका-४ राफु घर भएका ३० वर्षीय रमेश कुमार परियार, सोही महानगरपालिका-१४ चाउथे बस्ने रुपन्देही सैनामैना नगरपालिका-९ बाँसगढी घर भएका ३५ वर्षीय ओम बहादुर सुनार रहेका छन् ।

    यस्तै पोखरा महानगरपालिका-१३ बस्ने सिन्धुपाल्चोक त्रिपुरा सुन्दरी गाउँपालिका-३ एक्ले घर भएकी ३७ वर्षीया रिता विश्वकर्मा, पोखरा महानगरपालिका-१७ चोरसाघु बस्ने २२ वर्षीया सोनु परियार, पोखरा महानगरपालिका-१३ बाँझपाटन बस्ने २७ वर्षीया सिता सुनार, पोखरा महानगरपालिका-१३ मियापाटन बस्ने ५० वर्षीय हर्क बहादुर विक र सोही ठाउँ बस्ने २४ वर्षीय मौसम सदासंकर रहेका छन्।

    नेपाल सरकार अव्यवस्थित सुकुम्बासी समाधान आयोग काठमाडौंका गण्डकी प्रदेश कार्यसमितिका पदाधिकारी हौँ भन्दै तीन सय रोपनी जग्गा उपलब्ध गराइदिने झुठ्ठा व्यहोरा देखाई ठगी गरेको अभियोगमा उनीहरूलाई आइतबार दिउँसो प्रहरीले पक्राउ गरेको हाे।

    उनीहरुमध्ये हिरा, रमेश र ओमलाई पोखरा महानगरपालिका-१४ बाट, रिता, सिता, हर्क र मौसमलाई पोखरा महानगरपालिका-१३ बाट तथा सोनुलाई पोखरा महानगरपालिका-१७ बाट प्रहरीले पक्राउ गरेको हो।

    सम्बन्धित विषय

    अनलाइन नेपालमा प्रकाशित समाचारको बारेमा कुनै प्रतिक्रिया, सुझाव तथा सूचना दिनुपरेमा [email protected] मा पठाउनुहोला । निरन्तर समाचारको लागी हामीसँग फेशबुक तथा ट्वीटरमा जोडिन सक्नुहुनेछ ।

    प्रतिक्रिया

    सम्बन्धित समाचार