मोरङ । मोरङका ६ वटा स्थानीय तहले आगामी सोमबारदेखि विद्यालय सञ्चालन गर्ने तयारी गरेका छन् ।

मोरङका रतुवामाई नगरपालिका, सुनवर्शी नगरपालिका, रङ्गेली नगरपालिका, धनपालथान गाउँपालिका, जहदा गाउँपालिका र कटहरी गाउँपालिकाकाले मंसिर १५ गतेबाट पठनपाठन सुरु गर्ने निर्णय गरेका हुन् ।

६ वटै पालिकाका प्रमुख, प्रमुख प्रशासकीय अधिकृत र शिक्षा शाखाका प्रमुखबीच विद्यालय सञ्चालन गर्ने विषयमा भएको छलफलले काेराेना संक्रमणको जोखिम कम भएकाले सतर्कतासहित विद्यालय खोल्ने निर्णय गरेकाे हाे ।

कक्षा १ देखि ५ सम्म सञ्चालित विद्यालयलाई दिवा सत्रमा र कक्षा ६ देखि १२ सम्म सञ्चालित विद्यालयहरुलाई विहानी सत्रमा सामाजिक दूरी कायम गरी सञ्चालन गर्नेछन् ।