काठमाडौं । प्रधानमन्त्री केपी शर्मा ओलीले भोली कोरोनाविरुद्धको खोप लगाउने भएका छन्।

प्रधानमन्त्री ओलीले भोलि बिहान १० बजे त्रिवि शिक्षण अस्पताल महाराजगञ्ज पुगेर कोरोना विरुद्धको कोभिड शिल्ड खोप लगाउने स्वास्थ्य तथा जनसंख्या मन्त्री हृदयेश त्रिपाठीले बताए ।

भोलिबाट कोरोना विरुद्धको खोप अभियानको दोस्रो चरण सुरु हुँदैछ। जसमा सरकारले ६५ वर्षमाथिका ज्येष्ठ नागरिक, सरकारी र निजी विद्यालयका शिक्षक तथा कर्मचारीलगायत १६ लाख बढी जेष्ठ नागरिकलाई कोरोना विरुद्धको खोप लगाउने कार्यक्रम सुरु गर्दै छ।

सोही अन्तर्गत प्रधानमन्त्री ओलीले पनि खोप लगाउने भएका हुन्।