जनकपुर । जनकपुरस्थित एक होटलमा श्रीमानसँगै बसेकी महिला मृत भेटिएकी छन् ।

जनकपुरधाम उप-महानगरपालिकास्थित सर्लाही होटेल एण्ड गेष्ट हाउसमा श्रीमानसँगै बसेकी महिला होटल बाहिर मृत फेला परेकी हुन् ।

म्याग्दीको मेलानी गाउँपालिका-७ बस्ने ३० वर्षीया सिर्जना सुनार श्रीमान् विश्वास सुनारसँगै दुई दिनअघि होटलमा आएर बसेकी थिइन् ।

जिल्ला प्रहरी कार्यालय धनुषाका प्रवक्ता मकेन्द्र मिश्रका अनुसार उनी यातायात व्यवस्था कार्यालय जनकपुरमा स्कुटीको लाइसेन्स बनाउन आएकी थिईन।

विश्वासले आफू ११ दिन अघिमात्र विदेशबाट गाउँ फर्केको प्रहरीसमक्ष बयान दिएका छन् ।

उक्त घटनाको बिषयमा थप अनुसन्धान भईरहेको प्रवक्ता मिश्रले जानकारी दिए।