ओलीको मुद्धामा सर्वोच्चले गर्यो यस्तो फैसला, निर्वाचन आयोग र सभामुखसँग माग्यो निर्णयको सक्कल फाइल

ओलीको मुद्धामा सर्वोच्चले गर्यो यस्तो फैसला, निर्वाचन आयोग र सभामुखसँग माग्यो निर्णयको सक्कल फाइल

अनलाइन नेपाल
  • मंगलबार, असोज ५ २०७८

  • 1.5K
    SHARES

    ओलीको मुद्धामा सर्वोच्चले गर्यो यस्तो फैसला, निर्वाचन आयोग र सभामुखसँग माग्यो निर्णयको सक्कल फाइल फाइल फोटो

    काठमाडौं । सर्वोच्च अदालतले नेपाल कम्यूनिष्ट पार्टी (एमाले)ले निर्वाचन आयोग र सभामुख अग्निप्रसाद सापकोटाविरुद्ध दायर गरेको रिटमा सुनुवाइ गर्दैदुवै निर्णयको सक्कल फाइल मगाएको छ ।

    मंगलबार न्यायाधीश दीपककुमार कार्की र डा. कुमार चुडालको इजलासले निर्वाचन आयोगसँग नेकपा एकीकृत समाजवादी दल दर्ताको निर्णयको सक्कल फाइल मगाएको हो ।



    त्यस्तै, नेकपा एमालेले गरेको १४ सांसद कारबाहीको निर्णयलाई मान्यता नदिने सभामुखको निर्णयको सक्कल फाइल पनि माग गर्ने आदेश दिएको छ ।

    सर्वोच्चमा एमालेले अद्यावधिक गरेर पठाएको केन्द्रीय सदस्यहरूको विवरणलाई आयोगले मान्यता नदिएर माधवकुमार नेपाललाई पार्टी विभाजनमा सजिलो पारेको र सभामुख सापकोटाले एमालेले कारबाही गरेका १४ जना सांसदलाई पदमुक्त नगरेको भन्दै रिट निवेदन दर्ता गरेको थियो ।

    गत भदौ १ गते एमालेले पार्टी विभाजनमा लागेको भन्दै वरिष्ठ नेता नेपालसहित १४ जना प्रतिनिधि सभा सदस्यलाई पदमुक्तको निर्णय गरेको थियो । तर, आयोगले यही भदौं ९ गते माधव नेपाललाई नेकपा (एकीकृत समाजवादी) नामक पार्टीलाई राजनीतिक दलको प्रमाणपत्र दिएको थियो।

    सम्बन्धित विषय

    अनलाइन नेपालमा प्रकाशित समाचारको बारेमा कुनै प्रतिक्रिया, सुझाव तथा सूचना दिनुपरेमा [email protected] मा पठाउनुहोला । निरन्तर समाचारको लागी हामीसँग फेशबुक तथा ट्वीटरमा जोडिन सक्नुहुनेछ ।

    प्रतिक्रिया

    सम्बन्धित समाचार