काठमाडौं । राप्रपाका नेता तथा पूर्वआईजी ठाकुरमोहन श्रेष्ठमाथि कुटपिट गरेको आरोपमा पक्राउ परेका नीराजन बम रिहा भएका छन् ।

जिल्ला सरकारी वकिलको कार्यालय काठमाडौंले म्याद थप नगरेपछि बम रिहा भएका हुन् ।

कालिकोटको तलाताँ गाउँपालिका वडा नम्बर घर भई हाल काठमाडौंको निलोपुल बस्ने बमलाई बिहीबार प्रहरीले पक्राउ गरेर वृत्त महाराजगन्जमा राखेको थियो ।

उनी श्रेष्ठको जाहेरीको आधारमा पक्राउ परेका थिए ।

श्रेष्ठले राप्रपाका उपाध्यक्ष विक्रम पाण्डे, सहमहामन्त्री प्रेम बलायरसहित रिद्वि जंगबहादुर राणा, हिकमत कार्की र बमविरुद्ध जाहेरी दिएका थिए ।