काठमाडाैं । नेकपा एमालेले १० औँ महाधिवेशनबाट निर्वाचित पदाधिकारी र सदस्यहरुको सपथग्रहण चितवनमा नै गर्ने तयारी गरेको छ ।

एमाले नेता आनन्दप्रसाद पोखरेलका अनुसार शपथग्रहण कार्यक्रम मंगलबार दिउँसो २ बजेलाई गर्ने तयारी गरे पनि मत परिणाम आइनसकेका कारण केही ढिलाइ हुन गएको छ।

अहिले नेतृत्व चयनका लागि भएको मतदानको मतगणना यतिबेला जारी रहेको छ । विद्युतीय मेसिनबाट मतदान गरिएकाले परिणाम चाँडै आउने भनिएको छ।

एमालेमा दुई हजार १५३ जना प्रतिनिधि रहेकामा दुई हजार ९६ मत खसेको छ ।