काठमाडौं । काठमाडौंमा जारी राप्रपाको एकता महाधिवेशनमा १५ सय मत खसेको छ ।

शनिबार बिहान निर्धारित समयभन्दा दुई घण्टा ढिला सुरु भएको मतदान अझै जारी रहेको छ ।

निर्वाचन समितिका अनुसार मतदान सकिँन कम्तीमा पनि राति ११ बज्ने छ । महाधिवेशनमा सहभागी हुन देशभरबाट प्रतिनिधिहरू काठमाडौंमा भेला भएका छन् ।

महाधिवेशनमा प्रदेश १ बाट दुई सय ५६ जना, प्रदेश २ बाट एक सय ७० जना, बागमतीबाट दुई सय ४५ जना, गण्डकीबाट दुई सय ५० जना, लुम्बीनीबाट पाँच सय जना, कर्णालीबाट एक सय ९७ जना र सूदुरपश्चिमबाट एक सय ७५ जना प्रतिनिधि सहभागी छन् । कुल १,७९३ जना प्रतिनिधिध रहेका छन्।

निर्वाचनमा राप्रपाका निवर्तमान अध्यक्ष कमल थापा र राजेन्द्र लिङ्देलले अध्यक्षमा उम्मेदवारी दिएका छन् ।