काठमाडौं । गत सोमबार काठमाडौंको भृकुटीमण्डपमा सम्पन्न कांग्रेसको १४औं महाधिवेशनबाट केही चर्चित अनुहारहरु केन्द्रीय सदस्य बन्न सकेनन् । प्रदेशका मुख्यमन्त्री बन्न लागेकादेखि पूर्वमन्त्री र विश्वविद्यालयका उपकुलपति समेत पराजित भए ।

कांग्रेसको केन्द्रीय सदस्यमा पराजित भएका लुम्बीनी प्रदेशका कांग्रेस संसदीय दलका नेता विरेन्द्रकुमार कनौडिया बैशाखमा मुख्यमन्त्री बन्न सहमती गरेका छन् ।

त्यस्तै १ नम्बर प्रदेशका आन्तरिक मामिला तथा कानूनमन्त्री समेत रहेका केदार कार्की समेत पराजित भए भने त्रिभुवन विश्वविद्यालयका पूर्व उपकुलपति प्रा.डा. तीर्थराज खनिया समेत पराजित भए ।

अजयबाबु शिवाकोटी, गणेश लामालगायतका नयाँ अनुहारले चुनाव जित्दा पुराना मानिएका नेताहरुले भने केन्द्रीय सदस्यमा चुनाव हारे ।

पराजित भएका चर्तित अनुहारहरु
१. विरेन्द्रकुमार कनौडिया – लुम्बीनी प्रदेशका कांग्रेस संसदीय दलका नेता
२. केदार कार्की – आन्तरिक मामिला तथा कानूनमन्त्री (प्रदेश १)
३. प्रा.डा. तीर्थराज खनिया – टियूका पूर्व भिसी
४. मंगलप्रसाद थारु – पूर्व सहायकमन्त्री
५. यज्ञबहादुर थापा – पूर्व मन्त्री
६. शम्भुलाल श्रेष्ठ– पूर्व राज्यमन्त्री
७. जनकराज गिरी – पूर्व सहायक मन्त्री
८. हरिप्रसाद नेपाली – केन्द्रीय सदस्य
९. राजेन्द्र बजगाई – क्यासिनो डन तथा राजश्वमारा
१०. डा. शुरेशचन्द्र चालिसे – बेलायतका पूर्व राजदूत
११. हस्तबहादुर मल्ल – पूर्व मन्त्री तथा पूर्व सांसद
१२. डा. शुरेश मल्ल – पूर्व राज्यमन्त्री
१३. गणेशबहादुर खड्का – पूर्व राज्यमन्त्री
१४.लक्ष्मण बहादुर बस्नेत – पूर्व अध्यक्ष (कांग्रेस ट्रेड यूनिय)
१५. गोकर्ण पौडेल – पूर्व प्रधानमन्त्री एवं पूर्व सभापति गिरिजाबाबु कोइरालाका पिए
१६.डा.मुकेश काफ्ले – नेपाल विद्युत प्राधिकरणका पूर्व कार्यकारी निर्देशक
१७. शिवराज जोशी पूर्वमन्त्री