काठमाडौं । नेपाली कांग्रेस बाराको सभापतिमा राजेशराय यादव विजयी भएका छन् ।
प्रतिद्वन्द्वी शम्भुबहादुर बुढाथोकीलाई हराउँदै सभापतिमा यादव विजयी भएका हुन् । विजयी यादवले १२ सय ६ मत पाउँदा बुढाथोकीले ११ सय ५४ मत पाए । यादवले ५२ मतान्तरले बुढाथोकीलाई हराएका हुन्।
उनी कलैया उपमहानगरका मेयरसमेत हुन् । निर्वाचनमा २९ मत भने बदर भएको निर्वाचन समितिले जनाएको छ ।
नवनिर्वाचित सभापति यादवले पार्टीका नेता तथा कार्यकर्ता सबैलाई मिलाएर अगाडि बढ्ने प्रतिबद्धता व्यक्त गरेका छन् । पहिलो चरणमा सभापतिका तीन जना उम्मेदवार थिए ।
Leave a Reply