काठमाडौं । संस्कृति पर्यटन तथा नागरिक उड्डयन मन्त्री प्रेम बहादुर आलेले गौतम बुद्ध अन्तर्राष्ट्रिय विमानस्थलको निरीक्षण गरेका छन् । मन्त्री आलेसहितको टोलीले आज निर्माणधिन गौतम बुद्ध अन्तर्राष्ट्रिय विमानस्थलको निरीक्षण गरेका हुन् ।

मन्त्री आलेले बाँकी काम छिटो भन्दा छिटो सम्पन्न गर्न निर्देशन दिएका छन् । उनले यही फागुन ९ गते क्यालिब्रेसन फ्लाइट हुने जानकारी दिए ।

छिटो भन्दा छिटो अन्तर्राष्ट्रिय उडान हुने बताउँदै मन्त्री आलेले आउने बुद्ध जयन्तीमा अन्तर्राष्ट्रिय उडान ल्याउने तयारी भइरहेको समेत बताए ।

गौतम बुद्ध अन्तर्राष्ट्रिय विमानस्थलका आयोजना प्रमुख इन्जिनियर प्रवेश अधिकारीले आयोजनाको भौतिक प्रगति, उपकरण जडानका सम्पूर्ण काम सकिएको र हस्तान्तरण गर्ने तयारी भएको जानकारी दिए ।