काठमाडौं । महानगरीय अपराध महाशाखाले बैंकिङ कसूर मुद्दाका एक जना फरार प्रतिवादीलाई पक्राउ गरेको छ ।

पक्राउ पर्नेमा रौतहट जिल्ला गौर नगरपालिका-१ भन्सारटोल स्थायी घर भइ काठमाडौं बुढानिलकण्ठ -१२ कपन, भंगाल बस्ने ३३ बर्षीय अरविन्द कुमार जैसवाल रहेका छन्।

महाशाखाका अनुसार भुजेललाई बैंकिङ कसूर मुद्दामा उच्च अदालत पाटन ललितपुरले २०७८ मङ्सिर १४ गते २ दिन कैद र ९ लाख रुपैयाँ जरिवाना तोकेको थियो ।

त्यसपछि फरार रहेका उनलाई महानगरीय अपराध महाशाखा मिनभवनबाट खटिएको टोलीलेले काठमाडौं कपन, पयुँटारबाट पक्राउ गरेको हो ।

उनलाई फैसला कार्यान्वयनको लागि जिल्ला अदालत काठमाडौंमा उपस्थित गराइएको महाशाखाले जनाएको छ ।