भक्तपुर । संस्कृति पर्यटन तथा नागरिक उड्डयनमन्त्री प्रेम बहादुर आलेले एमाले अध्यक्ष केपी ओलीलाई चुनावपछि आधा किलोको ढक बनाइदिने बताएका छन् ।

भक्तपुरमा आयोजित औद्योगिक, पर्यटन व्यापार मेलाको बिहीवार उद्घाटन गर्दै मन्त्री आलेले यस्तो भनाई राखेका हुन् ।

यसअघि ओलीले एक किलोको पाँच वटा ढक एकातिर र एमाले एक क्विन्टलको ढक अर्कातिर भएको टिप्पणी गरेका थिए । जवाफमा आलेले ‘निर्वाचन पछि अब आधा किलोको बनाइ दिन्छौँ ।’ भनेका हुन् ।

उनले पाँच पार्टी एक हुँदा पनि ओलीले जुँगा हल्लाउँदै हामीलाई चुनौती दिनु आश्चर्यजनक भएको बताएका छन् ।