काठमाडौं । नेपालमा थप ११ जनामा कोरोना संक्रमण पुष्टि भएको छ । पछिल्लो २४ घण्टामा १ हजार ८१९ पीसीआर परीक्षणका क्रममा ११ जनामा कोरोना पुष्टि भएको हो ।

१ हजार २ सय ११ एन्टीजेन परीक्षणका क्रममा भने कसैमा पनि कोभिड पुष्टि नभएको स्वास्थ्य मन्त्रालयले जनाएको छ ।

त्यस्तै कोभिडका कारण शनिबार पनि कसैको मृत्यु भएको छैन ।

थप १२ संक्रमित निको हुँदा हालसम्म नेपालमा ९ लाख ६६ हजार ९ सय ६२ जना निको भएका छन् । हाल नेपालमा १ सय ४८ सक्रिय संक्रमित आइशोलेसनमा रहेका छन् ।