रूपन्देही । बुटवलका प्रहरी नायब उपरीक्षक (डिएसपी) ठगबहादुर केसीलाई प्रहरी मुख्यालयले स्पष्टीकरण सोधेको छ ।

रूपन्देहीको तिलोत्तमा नगरपालिका– ४ का वडाध्यक्ष हरिबहादुर क्षेत्रीलाई प्रहरीले पौडीपोखरीमा धकेलेको भिडियो भाइरल भएपछि मुख्यालयले स्पष्टीकरण सोधेको हो।

बुटवलका प्रहरी नायब उपरीक्षक डिएसपी केसीले वडाध्यक्ष हरिबहादुर क्षेत्रीलाई पौडीपोखरीमा धकेलिदिएपछि चौतर्फी आलोचना भएको थियो । डिएपी केसीले तिलोत्तमा नगरसभाको विषयलाई लिएर भएको विवादका क्रममा वडाध्यक्ष क्षेत्रीलाई धकेलेका थिए ।

ठेलाठेलका क्रममा एमालेबाट निर्वाचित वडाध्यक्ष क्षेत्रीलाई डिएसपी केसीले पोखरीमा धकेलिदिएका थिए । उक्त घटनाको भिडियो सामाजिक सञ्जालमा भाइरल भइरहेको छ ।