काठमाडौं । चलचित्र निर्माता संघको अध्यक्षमा नवल खड्काले उमेदवारी घोषणा गरेका छन् । संघको आउँदो कार्यकालका लागि खड्काले उमेदवारी घोषणा गरेका हुन् ।

आफ्ना कार्ययोजनासमेत सार्वजनिक गर्दै उनले उमेदवारी घोषणा गरेका हुन् । खड्काले आइतबार फेसबुकमार्फत घोषणापत्रसहित उम्मेदवारी घोषणा गरेका छन् ।

खड्का विगतमा संघको सचिव र कलाकार संघको अध्यक्ष पनि रहिसकेका छन् ।

संघ मुलुकका फिल्म निर्माताहरुको छाता संस्था हो ।

खड्कासँगै वर्तमान अध्यक्ष आकाश अधिकारी र अशोक शर्माले पनि अध्यक्षमा दाबी गर्दैै आएका छन् । भदौ १८ गते बस्ने साधारणसभाले संघको नयाँ कार्यसमिति चयन गर्दैछ ।