काठमाडौं । नेपाल क्रिकेट संघ (क्यान) को महत्त्वकांक्षी प्रतियोगिता नेपाल ट्वान्टी–२० लिग डिसेम्बरमा मात्र हुने भएको छ ।

क्यानले गृह मन्त्रालयको आग्रहअनुसार प्रतियोगिता डिसेम्बरमा सार्नुपरेको जनाएको छ । आन्तरिक विवादका कारण अदालतसम्म पुगेको नेपाल ट्वान्टी–२० लिग असोज ८ देखि कात्तिक ५ गतेसम्म हुने तालिका थियो ।

तर, मंसिर चार गतेका लागि तय भएको संघ र प्रदेशको निर्वाचनका कारण गृह मन्त्रालयले प्रतियोगिताको सुरक्षा व्यवस्था गर्न नसक्ने भएको बताएपछि स्थगित भएको क्यानले जनाएको छ ।

पहिलो संस्करणमा काठमाडौं कान्तिपुर, लुम्बिनी अल स्टार्स, विराटनगर सुपर किङ्स, जनकपुर रोयल्स, पोखरा एभेन्जर्स र फारवेस्टर्न युनाइटेडले प्रतिस्पर्धा गर्नेछन् ।