एजेन्सी । स्लोभेनियामा पहिलो महिला राष्ट्रपतिमा वकिल निर्वाचित भएकी छिन् ।

नतासा पिर्क मुसार पेशाले पत्रकार र वकिल हुन् जसले स्लोभेनियाको वामपन्थी सरकारले समर्थन गरे पनि स्वतन्त्र रूपमा चुनाव लडेकी थिइन्।

मुसर देशका पूर्व विदेशमन्त्री र निवर्तमान कन्जरभेटिभ नेता एन्ज लोगरलाई हराएर देशको पहिलो महिला राष्ट्रपति बनिन्।

मुसारले करिब ५४ प्रतिशत मत प्राप्त गरेकी थिइन् भने लोगरले ४६ प्रतिशतभन्दा बढी मत प्राप्त गरेको निर्वाचन आयोगले जनाएको छ ।

करिब २० लाख जनसंख्यामा ४९ दशमलब ९ प्रतिशत मतदान भएको आयोगले जनाएको छ ।