काठमाडौं । नेपाली कांग्रेसको संस्थापनइतर  समूहको बैठक फेरि स्थगित भएको छ ।

२२ गतेलाई बोलाइएको केन्द्रीय कार्यसमतिको बैठक २८ गतेलाई सरेपछि इतर समूहको बैठक पनि सारिएको हो ।

२८ गतेको केन्द्रीय कार्यसमिति बैठकअघि समूहको बैठक बस्ने एक कांग्रेस नेताले बताए ।

बैठक बिहीबार १ बजे अनुपम फुडल्यान्डमा हुने तय थियो । आसन्न केन्द्रीय कार्यसमिति बैठकमा उठाउने एजेन्डाबारे छलफल गर्न बैठक बस्नेछ ।

नयाँ सत्ता समीकरण बनेपछि यसअघि नै इतर समूहका नेताहरु शेखर कोइराला, उपसभापति धनराज गुरुङ, महामन्त्री गगन थापा, सहमहामन्त्रीद्वय जीवन परियार र बद्री पाण्डे, नेताहरू अर्जुननरसिंह केसी, चन्द्र भण्डारी, मिनेन्द्र रिजाल, बलबहादुर केसी, रामकृष्ण यादव, सरिता प्रसाईंलगायत बसेर छलफल गरेका थिए ।